Skrímsli og draugar hánorðursins – ókeypis vinnustofa

Ókeypis vinnustofa fólk á öllum aldri með ólík áhugasvið á borð við kortagerð, myndlist, þjóðfræði,  umhverfismálefni og alþjóðastjórnmál

Vinnustofan Skrímsli og draugar hánorðursins býður þátttakendum að skoða, leita og hugsa um nýjar leiðir í kortagerð. Smiðjan snýst um að kortleggja umhverfi hlutar, sögu eða hljóðs og markmiðið er að finna upp nýjar leiðir í kortagerð. Í stað hefðbundinnar kortagerðar eru þátttakendur hvattir til að kortleggja umhverfið út frá sjónarhorni fyrirbæra og skapa þannig fjölskynja landslag.

Tvíeykið sem leiðir vinnustofuna gaf nýlega út tölvuleik sem rannsakar nýjar leiðir í kortlagningu Norðurskautsins. Kortagerðin í leiknum er miðuð út frá reynslu þeirra vera og fyrirbæra sem eru á svæðinu. Í leiknum geta leikmenn kannað svæði út frá sjónarhorni þorsks, bakteríu eða hreindýra svo dæmi megi nefna. Með þessu skapa þau marglaga mynd af landslagi og hverfa frá hefðbundinni kortagerð sem kortleggur heiminn ofan frá. Tvíeykið átti í samstarfi við vísindamenn á Norðurslóðum til þess að greina hvar hin mismunandi sjónarhorn renna saman og sem gerði þeim kleift að nýta upplýsingar og forrita gögnin sem tölvuleikurinn byggist á.

Breytingar, á borð við bráðnun jökla á Norðurslóðum, gefa til kynna að þörf er á nýjum leiðum til þess að hugsa um og kortleggja umhverfið. Norðurskautið er spennandi staður með tilliti til stjórnarfars, staðhátta og innviða, með landamæri bæði á hafi og landi sem eiga rætur að rekja í nýlendusögu en einnig sögu kortagerðar. Skrímsli og draugar hánorðursins ögrar ríkjandi hugmyndum um fullveldi. Spurningarmerki verður sett við að landamæri þjóða séu álitin sjálfsögð og náttúruleg. Með því að ögra ríkjandi hugmyndum um kortagerð er hægt að endurhugsa og endurbyggja landfræðileg- og stjórnarfarsleg kerfi um eignarrétta landa á Norðurskautssvæðinu.

Smiðjan rúmar takmarkaðan fjölda þátttakenda og við biðjum fólk um að skrá sig.

Driving the human eru samtök sem einbeita sér að því að brjóta upp einhliða sjónarhorn á því hvernig við nálgumst og skoðum heiminn. Samtökin vinna í þágu umhverfis- og félagslegrar sjálfbærni. Þau skapa hvata og möguleika  fyrir tilraunir og vinna að því að móta sjálfbæra og sameiginlega framtíðarsýn í þverfaglegu samstarfi vísinda, tækni og listgreina. Á árunum 2020- 2023 munu sjö samstarfsverkefni samtakanna þróa viðbrögð við flóknum álitaefnum samtíðarinnar.

Um kennarana:

AlternaA

Pop-Jurj og Geerts Danau stofnuðu listasamstarfið alternaA en í því samstarfi sameina þær áhuga sinn um birtingarmynd félagslegra, umhverfislegra og stjórnfræðilegra átaka í norðrinu sem er að finna í breytilegu landslagi Norðurslóða. Með áherslu á stafræna tækni og stafrænt umhverfi leitast tvíeykið við að skapa nýjar birtingarmyndir af norðrinu sem gætu orðið hvaði til aðgerða gegn loftslagsvánni.

Andra Pop-Jurj

Pop-Jurj  vinnur á mörkum arkitektúrs, rýmisstjórnmála og umhverfisbreytingum af völdum mannavalda. Pop-Jurj  vinnur sem arkitekt en vinnur jafnframt að því að auka við störf sín við listrannsóknir. Þverfagleg og þverþjóðleg störf hennar hafa kveikt áhuga hennar á því að kanna hvaða áhrif og hlutverk byggingarlist hefur í hverskyns félagslegum, umhverfislegum og stjórnmálalegum átökum en einnig hvernig byggingarlist getur á þátt í að byggja upp sjálfs- og þjóðarímyndir.

Lena Geerts Danau

Sem rannsóknararkitekt og rýmishönnuður er Lena fyrst og fremst með áhuga á áhrifum alþjóðastórnmálalega og landfræðilegrar þátta er varða loftslagið. Danau er frá Antwerp þar sem hún kláraði BA í arkitektúr og eftir starfsnám á arkitektastofu fór hún til London þar sem hún nam við Konunglega listaháskólann. Í náminu rannsakaði hún málefni á borð við áhrif stjórnmála á gagnadreifingu og fljótandi landamæri. Nú vinnur Danau sem smiður og húsgagnahönnuður og telur að verkleg reynsla hennar sem og rannsóknarbakgrunnur geti verið áhugaverð í sköpun gagnvirkra upplifana sem gætu verið hvati til aðgerða gegn loftslagsvánni.