![](https://norden100.is/wp-content/uploads/2023/03/NORRAENA-FELAGID-1920-×-800-px.png)
Þann 29. september 2022 voru liðin 100 ár frá stofnun Norræna félagsins á Íslandi og í tilefni aldarafmælisins var allt árið 2022 helgað norrænu samstarfi, norrænni vitund, menningu og samkennd.
![](https://norden100.is/wp-content/uploads/2022/09/Til-hamingju-med-daginn-9-1024x651.png)
29. september 2022
Norræna félagið á Íslandi fagnar í dag að eitt hundrað ár eru liðin frá stofnun félagsins.
Þau voru satt best að segja ekki mörg sem sáu tilgang eða mikið vit í hugmyndinni um norrænt samstarf þegar félagið var stofnað 29. september árið 1922. En hugmyndinni um norrænt samstarf, samstöðu og vinskap tókst að festa rætur í hrjóstrugum jarðvegi millistríðsáranna, lifa af og vaxa í gegnum heimsstyrjöldina síðari og springa síðan út, sem kröftug fjöldahreyfing um öll Norðurlöndin.
Forseti Íslands gerist verndari Norræna félagsins
Embætti forseta Íslands hefur gerst verndari Norræna félagsins á Íslandi og í tilefni þess tók forseti Íslands herra Guðni Th. Jóhannesson á móti fulltrúum félagsins á Bessastöðum. Þetta er góður endapunktur á afar vel heppnað afmælisár og hvatning fyrir félagið. Við þökkum fyrir góðar móttökur.
![Forseti Íslands ásamt fulltrúum Norræna félagsins á Bessastöðim.](https://norden100.is/wp-content/uploads/2022/12/20221219-norraena-felagid-forseti-verndari-1-1024x768.jpeg)
![](https://norden100.is/wp-content/uploads/2022/11/Utvarp-6.png)
Pistlaröð Norræna félagsins
Dagana 17.-28. október var þátturinn Uppástand á RÁS 1 sendur út í samvinnu við Norræna félagið á Íslandi í tilefni af 100 ára afmæli félagsins. Í þættinum flytur fólk stuttar hugleiðingar sem tengjast sama umfjöllunarefni og að þessu sinni var umfjöllunarefnið norrænt samstarf. Þættirnir voru á dagskrá alla virka daga kl. 12:03 og eru aðgengilegir í spilara RÚV.
Norrænt samstarf í 100 ár
Norrænu félögin eiga rót sína að rekja til hugsjóna og stefnu sem uppi var á Norðurlöndunum í lok 19. aldar. Skandinavisminn var stjórnmálahreyfing sem boðaði sameiningu eða stóraukið samstarf landanna byggt á sameiginlegri menningu þeirra og sögu. Í byrjun 20. aldar var stjórnmálaástandið í Evrópu mjög ótryggt sem varð m.a. til þess að konungar Danmerkur, Noregs og Svíþjóðar ákváðu að efna til formlegs samstarfs milli ríkjanna.
![](https://norden100.is/wp-content/uploads/2022/01/Untitled-design-12.png)
![](https://norden100.is/wp-content/uploads/2022/11/IMG_1664-1-1024x768.jpeg)
Vígsla norræns vinalundar í Fossvogi
Norrænn vinalundur var vígður í Fossvogsdal á afmælisdegi Norræna félagsins 29. september. 100 plöntur hafa verið gróðursettar í lundinum, þar af átta mismunandi trjáplöntur og runnar sem tákna hvert sitt land á Norðurlöndunum.
Lundurinn hefur þann tilgang að minna á gildi og mikilvægi norrænnar vináttu og samstarfs, en mun einnig nýtast til fræðslu um Norðurlöndin. Snælandsskóli og Fossvogsskóli munu geta nýtt sér lundinn til fræðslu og ánægju um ókomna tíð.
![](https://norden100.is/wp-content/uploads/2023/03/Copy-of-THjodhattasofnun-Taktu-thatt-Facebook-Post-Landscape.png)
Spurningaskrá í Þjóðháttasafni
Í tilefni af 100 ára afmæli Norræna félagsins leitaði félagið í samstarfi við Þjóðminjasafn Íslands til heimildamanna til að safna upplýsingum um viðhorf almennings til Norðurlandanna og norræns samstarfs.
Spurningaskráin er opin til svörunar í menningargagnagrunni Sarpsins.
![](https://norden100.is/wp-content/uploads/2022/01/Harpa-banner.png)
Norrænir viðburðir og merkisdagar
![](https://norden100.is/wp-content/uploads/2022/03/cropped-cropped-Untitled-design-1.png)
Í tilefni aldarafmælis Norræna félagsins á Íslandi var allt árið 2022 helgað norrænu samstarfi, norrænni vitund, menningu og samkennd.
100 ára afmæli Norræna félagsins
29. september, 2022
![](https://norden100.is/wp-content/uploads/2022/12/319750671_1244378189481374_1734418891947360981_n-1024x576.jpg)
![](https://norden100.is/wp-content/uploads/2022/11/Screenshot-2022-11-30-105813.png)
![](https://norden100.is/wp-content/uploads/2022/12/319076684_1015399606083549_3009927876844854606_n-1024x512.jpg)
![](https://norden100.is/wp-content/uploads/2022/09/Nytt-projekt-1-1280x720-1-1024x576.png)
![](https://norden100.is/wp-content/uploads/2022/06/Screenshot-2022-06-23-102704.png)
![](https://norden100.is/wp-content/uploads/2022/05/Screenshot-2022-05-30-151829.png)
![](https://norden100.is/wp-content/uploads/2022/05/nat_web_01.png)
![](https://norden100.is/wp-content/uploads/2022/05/dagmar-dyck-pandanus-2018_vefur.jpg)
![](https://norden100.is/wp-content/uploads/2022/06/Screenshot-2022-06-23-102819.png)
![](https://norden100.is/wp-content/uploads/2022/03/cropped-cropped-Untitled-design-1.png)
![](https://norden100.is/wp-content/uploads/2022/03/Untitled-1200-×-900-px-1200-×-350-px.png)
Norrænir viðburðir
Ef þú ert með norrænan viðburð getur þú skráð hann á viðburðadagatalið okkar ásamt upplýsingum um viðburðinn.
Örsögur
Við viljum gjarnan fá að birta skemmtilegar örsögur sem tengjast Norðurlöndunum eða norrænu samstarfi.
![](https://norden100.is/wp-content/uploads/2022/03/Untitled-1200-×-900-px-1200-×-350-px.png)
Það eru allir velkomnir
Markmið Norræna félagsins er að efla norrænt samstarf á öllum sviðum samfélagsins og styrkja vináttutengsl Íslendinga við aðrar norðurlandaþjóðir. Félagið starfar í deildum víða um landið og stendur fyrir ýmsum menningarviðburðum, tungumálanámskeiðum, vinabæjamótum, útgáfu, og mörgu fleiru.