Af Íslendingum í Kaupmannahöfn á átjándu öld – Málþing

Félag um átjándu aldar fræði heldur málþing undir yfirskriftinni Af Íslendingum í Kaupmannahöfn á átjándu öld í Þjóðarbókhlöðu, fyrirlestrasal á 2. hæð, laugardaginn 25. mars 2023.

Málþingið hefst kl. 13:30 og því lýkur eigi síðar en kl. 16:15.

Flutt verða fjögur erindi sem hér segir:

Hið íslenska lærdómslistafélag í Kaupmannahöfn
Margrét Gunnarsdóttir, sagnfræðingur og skjalavörður á Þjóðskjalasafni Íslands

Hlutur Íslendinga í þjóðernismyndun Dana
Auður Hauksdóttir, prófessor emeritus í dönsku við Háskóla Íslands

Kaffihlé

Jón Eiríksson, íslenskur landsfaðir á átjándu öld
Hrafn Sveinbjarnarson, sagnfræðingur og héraðsskjalavörður

Um fræðastörf Jóns Ólafssonar úr Grunnavík í Kaupmannahöfn
Guðrún Ása Grímsdóttir, rannsóknarprófessor emeritus við Stofnun Árna Magnússonar í íslenskum fræðum

Fundarstjóri: Marín Árnadóttir, sagnfræðingur og sérfræðingur á handritasafni Landsbókasafns – Háskólabókasafns

Flutningur hvers erindis tekur um 20 mínútur.

Um 10 mínútur gefast til fyrirspurna og umræðna að loknu hverju erindi. Kaffiveitingar í boði félagsins. Útdrættir úr erindum liggja frammi á málþinginu. Þeir verða síðar aðgengilegir á heimasíðu félagsins.