Til hamingju Einar Áskell!

Hipp, hipp, húrra! Einar Áskell, ein vinsælasta og ástsælasta barnabókapersóna Svíþjóðar, er að verða 50 ára. af þessu tilefni heiðrum við Einar Áskel og hinn margverðlaunaða rithöfund og teiknara Gunillu Bergström (f. 1942) og höldum upp á afmælið hans með nýrri sýningu á barnabókasafni Norræna hússins. Sýningin er unnin í samvinnu við sænska sendiráðið og sænsku stofnunina á Íslandi.

Nokkrar kynslóðir barna hafa alist upp við bækur Gunillu Bergström um daglegt líf Einar Áskels, duttlungafullt ímyndunarafl og pípureykjandi pabba. Síðan 1972 hafa bækurnar verið þýddar á meira en 30 tungumál. Einar Áskell er ekki ofurhetja eða ævintýrapersóna heldur venjulegt barn eins og lesendur hans, sem er líklega ein af ástæðunum fyrir því að hann heldur áfram að vera elskaður og mikilvæg persóna meðal barna og fullorðinna um allan heim.

Myndskreytingarnar um litla, næstum sköllótta gaurinn Einar Áskel taka á sig bæði erfið og skemmtileg þemu og sýna samband föður og sonar, sem vakti athygli á áttunda áratugnum, með túlkun sinni á einstæðum föður sem er heimavinnandi. Bækurnar voru því með þeim fyrstu til að ögra fastheldnu norrænu samfélagsmódeli hvað varðar kynjahlutverk. Sögurnar fjalla um hversdagsleg vandamál Einars Áskels og föður hans allt frá því að reima skóna sína, að fara að sofa og til einmanaleika barns.

Í tilefni af sýningunni munum við bjóða uppá mismunandi vinnustofur, ferðir og sögustundir á skandinavískum tungumálum, þar á meðal sænsku, norsku, dönsku og finnsku.

Verið velkomin á barnabókasafnið þar sem við vonum að þú og barnið þitt fáið að skoða alheim Einars Áskels saman!

Árið 2023 mun sýningin ferðast um mismunandi bókasöfn á Íslandi. Áfangastaðir verða birtir síðar.